ضربة جزاء
وكان علي اده وف حاله
و جه فجاءه علي باله
يلاعب الدنيا لعب بحق
وقالها ما تجربي الضربه
وحطي ايامك في الشق
كرهت في حضنك الغربه
سواد بالليل وصبح عليل
خسيس واصيل
ومات بينهم خلاص الفرق
ما تيجي يا دنيا نتعاتب
فا رفعت ننها وحاجب
تعالا ع الشط
وراحت قاعده وش البحر
و بترمي السلام ع البدر
تعالا اشهد علينا يا فجر
انا دنيا
تعيشني ف لحظه و فثانيه
تقابل الموت
ماليش واسطه تاخر عمر
حتي لو في بطن الحوت
يا كدابه وظلماني
بتقلبي اية المجني علي الجاني
كده ميزانك ماهوش مظبوط
وفجاءه سمعنا صوت انذار
وبيصفر علينا فنار
قامت غاره
وموج البحر كان هايج
بيلطش ملحه ب اشاره
هنا مطرة ورياح زعابيب
فخاف الجرح جوايا
ليموت من البرد
فولع المي شمعايه
و دفي عذاب معدي الحد
وغمض جوا مني عذاب
فكان حلمه ياعيني سراب
وشايف نور سفينه بعيد
وعلا في سقف احلامه
و عاد مشهد في ايامه
صوات وصريخ
وعام الدمع علي عومه
يدور ع البشر ساره
فا شاب شعره
وسال المعده والامعاء
علي جثث الغريق شعره
فا قاله الدعوة للاموات
تحيه و بعد منها سلام
للغرقانين في العباره
ليست هناك تعليقات:
إرسال تعليق