أنا مش مجرد واحده
قبلتها وخلاص
أنا بس هي واحده
مش زي كل الناس
وفيا قلب بسيط وطيب
عمرك ما حسيت بيه
وإزاي تحس وانت واحد
ميت الأحساس
==============
لا ف مره حسيت بيا
حتي لما تغيب
ترجع تقولي مش قضيه
وكله يبقي نصيب
عايش معايا وكنت حاسه
إنك بجد غريب
وكفايه قلبي إنه حس
بيك خلاص إنداس
وإزاي تحس وانت واحد
ميت الأحساس
==============
أحلامي بيك ضيعتها
وموتها بسهوله
زي اللي جنه رسمتها
وفيها بقيت موهومة
وفِي النهايه بقيت خلاص
معاك أناالمصدومه
هستني ليه قولي
بقي علي أي أساس
وإزاي تحس وانت واحد
ميت الأحساس
==============
إبعد وسيبني بقلبي
عشان فيه إتوجعت
بجد أسفه إني حقيقي
فيك انا أتخدعت
وهو دا أخر كلام
وانت خلاص سمعت
ولازم قلبك ينجرح
وتشرب بنفس الكاس
وإزاي تحس وانت واحد
ميت الأحساس
أحمد طلبه
٢٠١٧/٥/٥
ليست هناك تعليقات:
إرسال تعليق