................................
عدى العمر وجري من قدامى
من غير ماحقق حلمى
اللى شوفته لما شوفت عنيك
وهى بترجع كل اللى بيا
من شوق أكون بين إيديك
حتى لو ثوانى
تتطفى نار حب فى قلبى
ماتنطفى إلا وإنت جنبى
والعمر بجرى مابنتظر حلم ليالينا
اللى شوفته لما إتقبلت عيونا
وقالت كل اللى بنا
من حب رسمته أحلامنا
حتى لو إنت بعيد عنى
دا العمر قبلك كان حاجة تانية
ولما شوفتك نور فى كل خطوة ليا
من ضيك فى عنيا
وأخاف لتروح بعيد عنى
وينطفى النور من حوليا
ياحبيبى نفسي أعيش فى حضنك
حتى لو كان باقى فى العمر ثانية.
ترجع كل اللى بيا
إنى أحب الدنيا
وإنت بين إديا
ونرسم فى خطوينا دنيا تانية
على بساط مغزول من خلصة غالية
ونور عنيك دليل لينا
وإيدك تقوى إديا
ياحبيبى قبلك ماشوفت فرحة
عشت أيامى فى ليالى دايمة
ماطلع صبح ليها
إلا وإنت فيها
بضحكة تجلجل كل فيا
آه لو تحس بيا
وحب لك قد الدنيا ديا
ياحبيبى العمر بجرى من قدامنا
والخوف من بكرة لتغيب عنى
تمشى فى دنيتك وتنسي كل اللى بنا
وأرجع لليل طويل مايرحم وحدتى
دا الموت مكتوب على جبنا
......................................بقلمى حسام غنيم
ليست هناك تعليقات:
إرسال تعليق