لما القلم يكتب
لما القلم يكتب شعر بابداعك
اوعاك ليوم يكدب بسرابه خدداعك
اصل الخيال تخاريف وبتحكى اوجاعك
عمرك بيبقى خريف وبتشكى لصداعك
تلقى الربيع فى الصيف والطيف كمان ساعك
حاسب لتبقى خفيف دى الكلمة محسوبه
مش كل شئ بالكيف حافظ على التوبة
قلمك فى حرفه ميزان كان لك دوا وبرهان
او كان عليك حسبان عند الحساب خسران
ابدع لكن حاسب حرفك يكون حاسب
اوعاك يخون القلم وفى الكلام ناسب
قلمك عليك العلم زى ما بتناسب
تختار صلاح الحسب راعى فيه الكلمة
بلاش تسوق العطب وقلة الذمة
حاسب من الابداع احسن ف بحره تتوه
وتاخدك الاوضاع وتقول كلام معتوه
تفنى ويبقى الكلام ورثك وبك عرفوه
نصيحة مهما تكون مبدع بيفنى الكون
وتقابل الرحمن بقلمك المفتون
والا يكون شاهد لك عند رب المنون
مصطفى قمر
ليست هناك تعليقات:
إرسال تعليق