فوقي
بقى واتقدمي
ازاي قادرة تعيشي كده
متلطشه من دا ودا
مش عايزه ليه تتعلمي
مش عايزه ليه تتقدمي
رغم إنك أقدم منهم
وكتير بيقولوا امهم
كفايه خنوع ياام البشر
لو عايزه صحيح تتقدمي
كفايه نوم في العسل
كفايه شبعتي م الكسل
قومي انهضي
فوقي بقى واتعلمي
كل الأمم سبقوكي
بكام مليون سنه
وإنتي في مكانك
عامله إنك بدمعي
دموعك دي تأثير بصل
ملهاش مكان
دايما في وسط الضلمه
تلاقي نور
فوقي بقى ياستنا
دا العلم نور
حسي ولادك ع العمل
كفايه نوم في العسل
بلاش تقضي عمرك
تقولي إيه اللي حصل
عمرك ما هتقومي كده
بالعلم بس تنهض الأمم
ليه حاطه جوه الراس جزم
ليه حالفه ليه ماتنهضي
فوقي بقى واتعلمي
مش أي حد
تديه ودانك افهمي
مش أي حد
يمسك لجامك اتعلمي
فوقي بقى يا أم الأمم
فوقي بقى
لو كنتي عايزه تنهضي
فوقي بقى فوقي بقى
.................
بقلمي / حمدي رمضان ابوعمرو الريشي
ليست هناك تعليقات:
إرسال تعليق