بتحلم
بتحلم امتى تتعافى
وضهرك يتصلب ف العود
وتاكل مرة فى كنافة
وتحلف انه يوم مشهود
بتحلم والمنام باليل وتتقلب
ونومك فى الهموم بدليل ومتغلب
وتصحى تلقى حلمك نام
وكانت هطرسة واوهام
وترجع تانى بكرة تنام
وتكرر بك الاحلام ونفس الحلم
ان الصحة تبقى تمام
وان العمر عندك كام ف عز شباب
وعندك بيت ومقفول باب
وست بتخدم الاولاد ومبتسمة
ولا بتدعى على ولادها
ولا تشتم بكام شتمة
زهق عيشة او فى الغلب تحويشة
وضحكة بتملا شفايفها
وتضحك وانت شايفها
تلاعب اخر العنقود
ياواد مسعود فييجى كابوس
يفطسكم
تقوم مفزوع تقوم موجوع
لان الحلم مش حلمك
لان الوهم كان علمك
وتحلم ليه ابو دمك
مصطفى قمر
ليست هناك تعليقات:
إرسال تعليق