عزالدين جبريل جاد الكريم
مركب بلا مجداف
كان قلبى كما حجر سنط
وابيض كما قلوع المراكب
ليه غاويه تقتلينى بالسنط
وتخلى الهم ع القلب راكب
وانا اللى طالق بخور وحنط
رياحه عبرت ليكى كواكب
انا عقلى منك خلاص شط
وعلى بعضى ابدا ما راكب
واصلى كما كافور وسنط
خشبه فى اعلى المراتب
ربطتينى فى حبك ربط
وعيونى طريقك ديما تراقب
وحبك كما وتد شحط
وانا اعمل ايه الرب غالب
لبرك انا ما لاقى شط
وتاهت فى بحورك مراكب
ارجوكى رسينى على شط
وخلينى عندك فوق المراتب
انا قلمى لما كتبت شخبط
وعيونى الكلام تراقب
اسمعى منى ما اشخبط
ولا الهم على يبقى راكب
الشاعر/عزالدين جبريل
ليست هناك تعليقات:
إرسال تعليق