يالهوي ع الفشر
حكايتنا النهارده يا جماعه
حكايه كانت زمان في الإذاعة
الحكايه لأتنين كدابين
الخواجه بيجو و أبو لمعه الحزين
الخواجه كان بيقول عايز حكايه
لا تبدأ بتوحيد و لا صلاه علي الزين
اللي يحكي لي حكايه
ياخد كل اللي معايا
حاول أكتر من واحد و اتنين
لحد ما جي أبو لمعه الحزين
الناس قالوا ع الموضوع
قال داحنا كدا نحكي أسبوع
راح و قال للخواجه بيجو
اللي هقولوا مش هعيدو
قال يا خواجه مجد سيدك
و م النعيم ربي يزيدك
أنا لما أبويا أتجوز أمي
أناكنت كبير
روحت أدلع ع الشوار
روحت قاعد ع السرير
قالوا شوار أمك يبوظ
و احنا لسه دافعين الفلوس
عمي قام و أداني بيضه
و قالي روح ألعب بعيد
البيضه حلوه و جديده
و فيها جنب كله حديد
طلعت أجري و روحت ألعب
أصلي كان عندنا ملعب
لعبت بالبيضه كوره
انكسرت و طلع منها ديك جميل
أبويا قالي يلا بينا
نجيب علي الديك سبخ
قولت يابا وهنجيب السبخ منين
قال هنجيبوا من الجبل
من عند الكيلو35
روحنا و جبنا من السبخ
دور و كمان اتنين
ضهر الديك أنجرح
أصله شافوا واحد لعين
قعدت محتارأعمل إيه
و جرح الديك إزاي أداويه
واحد و قالي تجيب أردب فصي
تحمصه و تعملو طحين
قوم بعد ما تطحنو
تحطو علي جرح الديك يومين
(الشوار هو جهاز العروسة في الصعيد)
( السبخ هو السماد البلدي)
( الفصي يا جماعه هو نوايه البلح)
فاصل و نواصل وصله الكدب غدا بإذن الله
ليست هناك تعليقات:
إرسال تعليق