''انتي ياامي وتيني''
بقلمى أحمد الخضري
أول نظره عالدنيا
كانت في عنيكي يا امي
برك مفروض علي جبيني
ووعد بينك وبيني
افديكي بروحي وحياتي
افديكي بقلبي وبعيني
يا اجمل ضمه في الدنيا
يا أطيب صوت يناديني
يا سندي وروحي وحياتي
انتي يا امي وتيني
ولو فيه حاجه يا عمري
قوليها ياامي وصيني
ولو كان فيه تقصير مني
تعالي يا امي عاتبيني
ولو شيطاني أواني
اوعاكي يا امي تسيبيني
محتاج منك لدعوه
ان ربنا يهديني
محتاج منك لحضن
انتي يا امي تكفيني
محتاج منك لضمه
بردان تعالي دفيني
محتاج انك تكوني جمبي
عن الدنيا بتغنيني
دقات قلبي تناديكي
لو غبتي لحظه عن عيني
اشوف دمعتك يا امي
تقطع قلبي تبكيني
افديها بدمي يا امي
افديها بدمع من عيني
ولما تكوني فرحانه
علي الدنيا بتحييني
ليست هناك تعليقات:
إرسال تعليق