أولاد كتاب
خاطرة / زينب سالم
يا بيت أبويا يا أولاد حتتي
هنا كانت بدايتي هنا أول كلمتي
كمان أول لفته و كانت خطوتي
شوفت الزرع حواليا كانت فكرتي
كتبت أول كلمة لعبت كمان لعبتي
عرفت إيه الصداقة و كانت صحبتي
يا بيت أبويا يا أولاد حتتي
بأفتكر كمان كل الود مع صاحبتي
أحلامي الحلوة فوق مخدتي
يمكن كمان بكيت على وحدتي
سمعت أمي توصيني على خطوتي
شوفت حياتي مرت بحزني و فرحتي
يا بيت أبويا يا أولاد حتتي
مشتاقة لشارعنا لبيتي لجنتي
من شوقي للمكان جرت دمعتي
كان هناك بياعين تداهم سلوتي
يا زمان راح مني جيت أقول كلمتي
واحشني يا ناس شوارعنا و حتتي
يا بيت أبويا يا أولاد حتتي
ما فضل لي غير السكوت و وحدتي
بأفتكر زيارات الأهل و عزوتي.
كل صبايا و بدايتي و نهاية قصتي
يا بيت أبويا يا أولاد حتتي
لكن كل سلامي بينكم كانت ضحكتي
كلماتي / زينب سالم
٢٠١٧/٣/١٩.
ليست هناك تعليقات:
إرسال تعليق