★★كان لازم أكون أناني ★ كاشف عبدالجواد ★★
*********************************************
كان لازم أكون أناني .. كان لازم أعيش عشاني .. ضيعت عمري وضعت أنا .. وأستاهل كل إلي جرالي يااااليل ...
*********************************************
أنا الي عشتك يادنيا بالطول والعرض
لاحسبتلي فيوم أنا حسبة
ولا كانلك يوم تلاتين لزمة
أتاريني غلطان .. لكن مع كل يادنيا .. أنا مش ندمان
*****
أنا بس صعبان عليا .. إني ما عشتش .. يوم ليا
مكنتش أناني ...
ما أخدتش حاجة مش ليا .. لميت الكل حواليا
واديني وحداني ...
أتاريني غلطان .. لكن مع كل يادنيا .. أنا مش ندمان
*****
ما شيلتش يوم أنا على قدي .. ولا يوم إخترت
ولا مرة قولت مهيش شيلتي .. ولايوم فكرت
تعبت كتير فيكي يادنيا .. قاسيت وكابرت
وأكيد كملت ...
أتاريني غلطان .. لكن مع كل يادنيا .. أنا مش ندمان
*****
حاولت أعدل المايل .. و أدلي عن إلي شايل
وعملت كتيرعمايل .. لكن مطمرش
كان لازم أكون أناني .. لكن ما حصلش ...
أتاريني غلطان .. لكن مع كل يادنيا .. أنا مش ندمان
*********************************************
Kashef. 21 - 3 - 2017.
ليست هناك تعليقات:
إرسال تعليق