(((الأم بطله وأسطوره)))
تاريخك يا أسطوره
أصلى أحلى من الصوره
والعبره سيرتك موصوله
فى دهر الزمان محفوره
شمعه تنور قلب يعلم
نجفه تزين نورها يبين
يابنوره شطوره
فى جهدك وعملك مشكوره
ماتكفيكى كل الكلمات المأثوره
وقليل أوى عليكى
كلمة شكرمسموعه
خدتى أيه مننا فى حياتك المغدوره
حكايات الخلق حقيقه
فى كتب مسطوره
ياما أمهات أتلعب بها الكوره
وأتبهدلت يمين وشمال
وصبرت وفضلت عيشه ومقهوره
كانت طلبه الستر
مش قاسيه هى ولامغروره
يابطله الأسطوره المغموره
ما أنا نسخه منك بالكربون
ياللى هزمتى ظروف الكون
عزيمه وأراده فوق مايكون
أتحدتى الصعب أيام وشهور
وهزمتى القهر وقولتى يغور
ياأمى ياغاليه عقلك موزون
عوزينك تعلمينا يوم ورا يوم
نصايحك تعقل المجنون
وتريح بال حيران مشغول
أنا خاطب ودك ومداس فى رجلك
وبدعيلك الله يخليكى ويعزك ولايذلك
وتكونى أنتى ست الكون
لوكتبوا قصايد مهما يكون
وأقاموا أفراح وفرقوا زهور
مكانتك أعلى وأعلى
وبتعلى ياست الحبايب
ياست الكون
كلمات /محمودصلاح السيد21/3/2017
ليست هناك تعليقات:
إرسال تعليق