حكايه قريه
قريتنا قريه فقيره
عشتنا فيها على الكفاف
ننام فى قاعه جميله
وفرشتنا تبقى حصيره
وغطانا يبقى لحاف
أنده لعمى يا أبويه
وكنت منه أخاف
لا بيت مدهون ببويه
ولا سجاد صواف
لا فيه أباجوره
ولا أعلام طواف
كانت لمبه جاز عقيمه
وطبليه من شجر صفصاف
وشنطه قماش قديمه
والمدرس منه نخاف
وبروتينا بطه ضئيله
نستناها كل عيد لفاف
أو قرموط بقى فى حيره
نصطاده وقت جفاف
وتعليمنا كان حاجه أصيله
بينهى أى خلاف
خرجت نماذج عظيمه
مش بهرجه وأسفاف
قلدت القريه المدينه
وبقت كلها أحلاف
كل واحد فى شقه
كامله الأوصاف
وبيكلوا من الطبونه
ونسيوا الفرن والمجراف
وبفت القريه الحديثه
جرفها 100 جراف
بنوا زرعها بكل حيله
لا سابوا جاموسه
ولا سابوا حتى خراف
يا 100 خساره يا أصيله
لما أعتمتى على الصراف
ودولتنا دوله عليله
ونسينا الحق والأنصاف
صبغت علينا المدينه
وتخطينا كافه الأعراف
وبقينا عيشين فى حيره
والحق منا يخاف
بقلم كابتن |سعيد عبد العزيز الحاجه
ليست هناك تعليقات:
إرسال تعليق