أمى
-----
دعوتك بتقوينى ودايما فيها أســــــــــــــتجابه
دعوتك بتخلينى طاير فوق ســـــــــــــــــحابه
ياأمى ضمينى حسســــــــــــــــينى بالصلابه
بضحكتك جاوبينى ورينى معنى الطــــــيابه
---
ياماما أنا غصــــــن وأنتى فى الدنيا جذوره
أنا فى الدنيا لحن وانت مصدر شــــــــعوره
ياأمـــــــى أنا أمتدادك وأنتى لعمرى أصوله
أنا شـــــــــــــعاع منك وأنتى للنور وهاااابه
---
ياأمى أنا طفل أتولد مالوش بصـــمه فى الحياه
كنتى أنتى كل المدد كنتى بوصـــــــــلة الأتجاه
أخواتى مهما كان العدد حقى بينهم ولا مره تاه
خوفك عليا حمــــــــــــــــــــــانى يافتوة الغلابه
علمتينى الأخلاص ربتينى ع الفـــــــــــــضيله
علمتينى أحب الناس ساعدتينى بالوســــــــــيله
كنتى لحياتى أســـــــــــاس م أنتى كبيرة العيله
أنت الجميله الأصيله أنت حروف الكتــــــــابه
---
علمتينى الصـــــــــــح كله عن غلطى تردينى
كنتى للشــــــــرح علمه علمتينى أصول دينى
كنتى للفرح أســـــــــــــمه عمرك ما زعلتينى
ودايما أنده ياماما لو ناوى حتى أقول يابــــــا
-----------------------------------------
وحيد احمد
ليست هناك تعليقات:
إرسال تعليق