نبرة وجع
#بقلم حمدى نورالدين جاد الكريم
نبرة وجع وألم ساكن احشائى
وحزن من زمان باقى
وحيرة وقسوة وحسرة
وحرمان وده كل اشيائى
أنا المجروح وأنا الميت
وأنا اللى عايش بدون ذاتى
وأنا اللى بقطف الأزهار
وأقول أشعار
وأنا اللى بطوف دوار
على الانهار
أنا البلبل أنا الشادى
أنا فى قلب القصيد مكتوب
أنا القلب اللى دوم منهوب
أنا الإحساس والانفاس
وأنا اللى عالزمان أيوب
أنا الحن اللى متقطع
وأنا الحلم اللى متبخر
وأنا الشوق اللى متخدر
وأنا العقل اللى متكدر
وأنا اللى بطيبتى قال مسبوب
أنا الإنسان اللى بطبعى ذوق وخلوق
أنا اللى الدنيا وخدانى وديسانى
أنا المظلوم وأنا المهموم
وأنا اللى شديت باحزانى
أنا فنان بقول ألحان
وبكتب شيء باشجانى
أنا غصة فى قلب جريح
وجرح عميق ضامى
نبرة وجع
وصوت مبحوح
ودمع العين مطر سايل
على خدودى
وفين عودى
وفين حلمى وعصفورى
وكراسى ودستورى
وفين اسمى وفين رسمى
وفين قلمى الاسطورى
صحيح رحلوا ولا انتحروا
ولا ملوا من وجود صورى
نبرة وجع
وحزن من زمان باقى
ورغم القسوة والحرمان
لازال الأمل باقى..
#حمدى_نورالدين
ليست هناك تعليقات:
إرسال تعليق