{{شمس الحريه}}
بهمس تملى بالقلم
علشان أخفف الألم
وأكتب حروفى فى كلمتين
وأشوف سجين خلف الجدار
فى الليل حزين قبل النهار..
محكوم علية بالإنتظار.....
تملى شايف عصفور جميل
ع الغصن قادر هناك يميل
فى جناحه شايل له دليل
بيقوله أوعى من الإنهيار
همسة فى سكات والضى مات
بهمس تملى ..........فى غربتى
لأصحاب طفولتى ....وذكرياتى
وعليهم أسال ..........القلم ........
أتوه مع ..........دمعة ندم..........
مطبوعة ....فوق يومياتى .........
زنزنة ضلمة. وفيها كابوس
تملى. يخنق .......أفكارى ...
وسجان عليها تملى يدوس
وبالشمعة يحرق أشعارى ....
وأنا للوشوش دايماً أبوس
وأشوف ملامح فى منامى
وأصحى على صوت العصفور
للضى طالع...........من تانى
{{ شمس الحرية }}
بقلم الشاعر/السيد أنور إبراهيم
ليست هناك تعليقات:
إرسال تعليق