{ أنا خير أجناد الأرض}
*****************
قادر بقوة أحمي بلادي
بجهد وهمة زي الرعد
وأرجع حقي م الأعادي
ولا يمنعني مليون سد
رافع راسي وسط أولادي
ولا بخلف أيمان ولا عهد
وابني حضارتي بالأيادي
ولشرفي بصون العرض
أنا خير أجناد الأرض
****************
أنا جندي أصيل فلاح
أعرف ايه معنى الأصول
أرجع أرضي بالسلاح
بقائد وجندي وصول
وشهيدي دمه ماراح
في الجنة اعماره تطول
حربي رحلة م الكفاح
وما ينكرها غير جهول
***********
أنا خير أجناد الأرض
****************
أنا جندي وكرامتي غالية
وروحي شايلها على كفي
و رايتنا راح تفضل عالية
وعمري فداها وما يكفي
أنا جندي مصري و عنيف
مؤمن صادق وهمام
ومحطم حصون بارليف
واليهود كانوا الحطام
إنتصارنا كان حقيقة
ولا ينفعشي بالكلام
والساعة اتنين بالدقيقة
في رمضان وقت صيام
اخدنا الأمر بالهجوم
على كل مصادر قوتهم
بمخطط حربي مرسوم
والضربة قاسية رعبتهم
*************
أنا خير أجناد الأرض
****************
حرب أكتوبر أعظم نصر
كانت رحلة العبور
رجعنا أراضينا لمصر
بفضل اولادهاالنسور
عشان نحكي بكل عصر
قصة جيشنا الجسور
*****************
أنا خير أجناد الأرض
******************
والشهيد حي وما مات
ولا عمره هيموت فينا
فخر لينا مش شعارات
رجعت بدماه طابا وسينا
الله أكبر كانت صرخات
بتهون كل الصعب علينا
وقائدنا ساعتهاالسادات
بالثبات.. تحقيق أمانينا
في عهده كل إنتصارات
و دموع فرحتنا بعنينا
****************
أنا خير أجناد الأرض
*******************
ممكن أغني وأقول فرحان
وإني عايش فيكي بخيرك
وإن بلادي أجمل أوطان
قلبي ملكك مش لغيرك
*******************
و أنا خير أجناد الأرض
********************
{{ كلمات أ / محمد عباس }}
ليست هناك تعليقات:
إرسال تعليق