انا المحظور
انا المحظور من الفيس بوك
بسبب ان عندي ضمير
بقول الحق لناس بتشك
ان لسه الدنيا بخير
لسه في ناس ليها كرامه
وقلوبهم شالت ياما
ومن الظلم لسه شايله كتير
انا المحظور
دا حتي من جذور اهلي
انا محظور
وشارب المر من ذلي
وكمان مقهور
من اخواتي اللي ظالمني
بيحبوا الفلوس كتير عني
حتي انا من حضن امي
حرموني ورموني مكسور
وان كان علي الغلب
اهو عايش معايا سنين
وان كان علي الاب
اهو برضه نسيني سنين
وبحب الناس اديني مستور
انا المحظور
من شعري ومن كلماتي
حتي لما بنيت الحلم
حرقه غدر شريك حياتي
عايش في دنيا مش دنيا
وبقضي ايام وفيها بعد
لحد ما تيجي لحظه تانيه
اموت وابعد عن اي حد
واديني عايش بملامح
واحد مجروح ومش جارح
واحد كلامه والله جد
انا فعلا حد مش زي حد
انا المحظور
وفي عز همومي ومشاكلي
بقابل ناس جميله ع الفيس
ناس قلوبها بتندهلي
مالك يا واد افرح وهيص
وناس لما تشوفني عريس
تزعل اوي ويملاهم الغيظ
انا المحظور
ولما اقول انا عايش حزين
كل الناس مبتصدقش
بيكون قلبي شايل طين
وهما يقولوا لأ متقولش
كيف تحزن وانت فرحتنا
دا انت دايما سبب ضحكتنا
كأني مخلوق بس للفرحه
ومحدش عارف ان الصفحه
بتاعت حياتي كلها دمع
صحيح انا للقلوب شمع
بنور ليهم انا السكه
في ناس تخلص وناس توفي
و ناس اندال و ناس ساكه
لكن عايش حياتي
اداوي في المجاريح
وكل حلمي وطلباتي
محدش يبات مره جريح
ولو ضحكتي حلوه
ياخدوها تداوي العذاب
ولو لحن طيبتي غنوه
حلال علي كل الاغراب
المهم ان اللي يحتاجني
مش هقفل في وشه الباب
دا ربك هو الغفور
قادر يصبر واحد زيي
حتي لو عايش محظور
انا المحظور
ليست هناك تعليقات:
إرسال تعليق