قطعة شعرية باللهجة العامية...
بعنوان ... اللاذقية ... بقلمي ...
..........................................
رحنا وزرنا اللادقية
وشفنا البحر والمية
وعلى الشاطئ الأزرق
سهرنا أحلى سهرية
اللادقية عروس البحر
وجمالا كلو غية
بحسنا بتضوي متل البدر
متل سيوف المحنية
.................
فيها أصالة وأمجاد
وأوابد أثرية
رأس شمرا وأوغاريت
وتاريخ الإنسانية
فيها ملاحة وإبحار
ومينا وسفن بحرية
وع جبينا إكليل الغار
جبالا حصون العلية
..................
وهواها بينعش ل قلوب
وفيها الخضرة والفية
وصبايا غصن الريحان
عيونا سودا وعسلية
ترابا من الدهب والماس
وأحراجا شو هنية
وصوتا بيصدح متل الطير
لما يغني بحنية
...................................
ملك محمود الأصفر
ليست هناك تعليقات:
إرسال تعليق