يا قمر ما يعرف وداع (للشاعر يوسف الحمله)
في راحيل الفنانة المصرية الرقيقة "شاديه"
____________________
خلاص هتسافري
هتسيبي قلبي
اللي متعلق بيكي
خلاص هتسافري
هتسيبي عيني
اللي بتشوف بعنيكي
خلاص هتسافري
هتسافري من غير وداع
وانتي عارفه إني
من بعدك مسيري للضياع
أأقول لقلبي ايه
أأقول لعيني ايه
وانتي الحقيقة الجميله
في دنيا الزيف والخداع
معقوله الشوك يخون الورد
ونحن لا نزرع الشوك
معقوله الشوك كده بياع
معقوله يا حبيبتي
تسبيني من غير وداع
أتأمل فـ صورتك وملامحك
وأتقوا بيهم على الأوجاع
آه يا وجع قلبي
آه يا وجع عيني
آه يا شمعة وكانت
مع الظلام في صراع
آآآه يا وردة بتودع الربيع
ياهجراني على باب الصقيع
لزمن فيه الأمان ضايع
وصي علىَّ الزمن ميقتلنيش
جوا الكنيسة والجامع
وصي علىَّ الزمن ميزلنيش
وبحق آخر نفس طالع
أعيش مرفوع الراس
من بعدك ... قدام الجميع
ومع السلامه يا حبيبتي
يا "قمر" ما يعرف وداع
____________________
يا قمر ما يعرف وداع
في راحيل الفنانة المصرية الرقيقة "شاديه"
بقلم شاعر الحدث
الشاعر يوسف الحمله
29/11/2017
ليست هناك تعليقات:
إرسال تعليق