مـتـمـــــــــــــــرده /بقلم الشاعره/ عبير الجندي

مـتـمـــــــــــــــرده

..............

متمرده..

تفرق كتير .. عن إنى اكون مستعبده

متمرده ..

لكن فى قلبى إيمان ..

وروحى الطيبه .. فيها الهدى 

متمرده ..

على كل حاجه قديمه عايزه تشدنى ..

مليون سنه واكتر ورا 

متمرده ..

ع السرسعه.. والبعبعه .. والثرثره

متمرده ..

على كل فعل حرام..

يحاول يوم يدوسنى بدون ضمير 

متمرده ..

على كل شرير ابتدى ..

ينصب شباكه ع الحلال 

وبقول فى قلبى (بلال )..

بيدن كل ليله وكل يوم 

متمرده ..

على كل بوم ..

عشش فى قلب كل المخلوقات السيئه

متمرده ..ع المشنقه

وعلى الحبال السوده فى إيدين الغفر

متمرده..

على شباكين بلور على نورهم عفر 

قدامى ليل ونهار هنا .. شنطة سفر 

وتملى ناويه ع الرحيل 

ولا أى ليل .. يقدر يعطل رحلتى 

دى قضيتى .. دى وجهتى .. أمنيتى 

ألقانى واخده شنطتى ..للجنه بعد ما آن أوان الملتقى ..

بعد الغياب 

أفتح فى باب.. خلفه نجوم مالهاش عدد

أطلب من المولى المدد

وأعيش مابين الورد ..

عايشه للأبد 

....................

✍...عبيـــــــــــــــرالجنـــــــدي ...