قصيدة بعنوان(الجامع اتفجر)
بقلم(الشاعر عرفات الأمير
قنا-الوقف-المراشدة-2016-11-25
وحتي الجامع اتفجر
وصوت أذانه بيكبر
وطفل ف حجر أبوه يضحك
صغير والعقل مافكر
وكف صغير بيسلم
علي مؤمن بيتبسم
ياناس داالتوب كان أبيض
وعطر المسك بيفضفض
علي كل إللي ف المسجد
ماكانش يظن إنه ياناس
بإيده للكفن حضر
وحتي الجامع اتفجر
نقول إرهاب مااظنش
دي ناس دي كلاب مااظنش
بأي طريقة هاتحسر
علي إسلام دبيح فرفر
داحتي الجامع اتفجر
في أي دين يبيح الدم
يبيح نقتل يبيح نخسر
شباب رجال سابوالمسكن
عشان يأدوا فرض الرب
دا قلب الأم بيتكسر
علي فقد الوليد والحب
قالت داكله مايأثر
شهيد ولوطنه هايحرر
وعلي موته كدا تكبر
دا حتي الجامع اتفجر
عاوز اكتب كلام مالقيش
ياريت كان ولدي جواالجيش
لوهبته لبلدي شهيد
ودا كله مايكفيش
ولو دمه التراب عفر
دا حتي الجامع اتفحر
ياريت ارجع شباب تاني
وف جيش بلدي اتطوع
وإيه يمنع نكون عسكر
وندافع علي بلادي
ولا إنه الخسيس يسكر
بنصر ماسخ فاني
وربي نصره قريب واكبر
ولو ميت جامع اتفجر
ليست هناك تعليقات:
إرسال تعليق