سيد وهنيه في
مسرحية هزلية من قلب الشوارع المصرية
( رؤيه درامية .... للشاعر يوسف الحمله )
سيد :.
صباح الخير
يا نجف بنور يـا سيد العرسان
يا نـجـف ومـنـور على الخلان
آه يا نجف آه
كل ده نوم
مكنتيش بتنامي عند أهلك
ومصدقتي تنامي عندي ولا ايه
صحيح بيقولوا
في سرير الزوجية مغناطيس
هنيه :.
أنا نايمه فـي الغرام
بـقـالـي تـلات تيـام
سيد :.
أيوه
وسيباني أنا متكحرت
زي أيام العزوبية وأكتر
هنيه :.
أنا جوعانه يا سيد
مافيش أكل
هناكل ايه
إنت سامعني ياحبيبي
سيد :.
أيوه يا هنيه سامعك
هو أنا يعني أطرش
ولا واقع على ودني وأنا في البامبرز
أيوه سامعك
وأنا كمان يا هنيه بحبك بحبك
هنيه :.
بقولك أنا جوعانه يا سيد
إنت سامعني
سيد :.
أيوه يا هنيه
وأنا كمان بحبك
هنيه :.
إقتربت من أذنيه
وقالت له
أنا عارفه إنك بتحبني
أومــال ليه إتجوزتني
أنا جوعااااااااااانه
سيد :.
طيب خلاص خلاص
عرفنا إنك جوعانة يا ستي
هو أنا يعني اللي شبعانه
ما أنا كمان زيك جوعانه
هنزل أجيب أكل واجي
هنيه :.
فرحت وهللت
وقالت أخيراً هاكل
يا سلاااااااام
سيد :.
دخل سوبر ماركت
يشتري بعض الطعام
وأخذ ينظر لبعض المعروضات من السلع الغذائية
ثم قال للبائع
ممكن تديني بجنيه جبنه يا معلم
المعلم "البائع"
بص له في إندهاش
مافيش جبنه بجنيه يا أفندي
سيد :.
طب ممكن تديني
بجنيه لانشون يا معلم
المعلم "البائع"
ولا اللانشون
معدش حاجه بجنيه يا أفندي
سيد :.
أمال الجنيه
بيجيب ايه دلوقتي يا معلم
المعلم "البائع"
بيجيب خازوق
تقعد عليه
هعهعهعهعهعهعهعهعهعهعهع
سيد :.
صرخ في وجه البائع وقال له
لااااااااااااااا
متقولهاش في وشي
إستنى لما أمشي
مستحيل جنيه بلدي ينزل كده
مستحيل يتمرمط مابين عملات العالم كده
مين يقبل بالوضع ده مييييين يا بني آدمين
ثم انتابتة حـالة هيستريا
وهو يقول الجنيه الجنيه
ده أمي كانت بتتسوق بيه
وكنت بستني العيد يجي
عـلـشـان أخـــده عـيــديـه
الله يرحـم زمـنك يا جنيه
لا عاد الفلاح بيك فلاح !!!
ولا أبو قميص بيك بيه !!!
كان ماله الملك فاروق يا عالم
كنا داينين بريطانيا
وكان الجنية بـ 3 دولار
دلوقتى الدولار بـ 20 جنيه
الله يرحم زمنك يا فاروق
رحت وراح الخير وياك
ومـا خـدنـا مـن الثورات
غير بس "خـازووووق"
ثم هدأ واستجمع قواه العقلية
وأخرج هاتفه المحمول
وهاتف زوجته هنيه
بنت الثلاثة أيام زواج
وقال لها
حبيبتي الوووووووووووو
هنيه :.
أيوه يا حبيبي سمعاك
جبت الأكل
إتأخرت ليه يا سيد
أنا جوعاااااااااااااااااانه
سيد :.
إسمعيني يا بنت الناس
إنتي لسه بالبرشامه صح
هنيه :.
أيوه يا حبيبي
ماهو من خيبتك يا سيد
سيد :.
الحمد لله
إن إنتي لسه بالبرشامه
انتي طالق يا حبيبتي
طالق طالق طالق
ثم أغلق "سيد" الهاتف ولم يعد للبيت
وجاري البحث عنه منذ ثلاث سنوات
ستااااااااااااااااااااااااااااااااااااااااااااااار
ــــــــــــــــــــــــــــــــــــ
سيد وهنيه في
مسرحية هزلية من قلب الشوارع المصرية
بقلم الشاعر يوسف الحمله
21/11/2017
ليست هناك تعليقات:
إرسال تعليق