التوبه
سامح إيليا
بكره هييجي اليوم
إللي هتندم فيه
هتبكي بدمع اللوم
ولا تقدر ترجع ليه
ساعتها تفوق م النوم
وتبكي بحسره عليه
إلحق نفسك قوم
لسه عمرك فيه
إنسى الناس والقوم
وأذكر ربك ، تلاقيه
العمر هيخلص ف اللوم
وانت يا خويه ناسيه
من رأيي تعمل زوم
على أعمالك في الترفيه
متنساش إنك معصوم
م الأخطاء والتشويه
دأنت لرب القوم
إللي خالقك بإيديه
علشان تعبد دوم
إيه خلاك تبعد ، ليه ؟
حاول ترجع قبل النوم
وإنسى الماضي بكل ما فيه
======================
هذا النص يمكن لك عزيزي القارئ أن تقرأه كما تشاء ، سواء قراءه عاديه ، أو من أسفل لأعلى ، أو تقرأ شطره وتترك شطره ، بأي طريقه سيوصل لك نفس المعنى المراد توصيله ،،،،،
سامح إيليا
ليست هناك تعليقات:
إرسال تعليق