دخلت لسوق الغزل
لقيت كل واحد
هازمغزل يغزل
واحد حرير
ؤ واحد صوف
ؤ واحديتعلم
يفتل شريط
من دفلة حنطل
الناس مجموعة تنظر
هذا ينطق بكلام معسول
ؤ هذا بكلام موزون
ؤ الثالث كلامو علقم
هزني لفضول
قلت نشوف اش
وسط هذه الدزة
دزة واش من دزة
فيها ورود
و فيها سدرة
فيها حكمة
ؤ فيها نقمة
دخلت بقلب صافي
نتعلم الحكمة و المعنى
عجباتني شلا قوافي
تعلمت نقيس قياسي
اه..! يا بنادم
يا خايب الطبيعة
السن يضحك للسن
والقلب فيه لخديعة
مليكة بوبراهيمي
ليست هناك تعليقات:
إرسال تعليق