(((بنت البلد ))))
لو تتكلم الأيام وتحكي
إيه راح تقول عنها
ــــ السبت قال ؟؟
هي بنت الأصول
شرعها ما لو اجتهاد
خوفها ع دينها
وحرمتها زى
النبت ف الأرض
غرسه اعتقاد
الود ف طبعها
دفا يملا قلوب
الأحبة حب
لكل العباد
تشوفها تشوف
نور الشمس
ما لي بنوره
كل البلاد
ــــــــ والأحد قال؟؟
ل في حد زيها
ولا ف الطبع
تلاقي منها
تشتري الخواطر
وما تذيع أبدا سرها
ولو قعدنا نقول
ونحكي عمر
الكلام م يكفي
وصفها
ــــــ والاثنين عنها
غنى وقال ع الربابة
وأتمل في حسنها
لفة الشال مع رنة
الخلخال تطيب عيون
وتزين سحرها
وشخللة الخلخال
مين أد اللي يسمع رنها
تلمحها الصبايا
يتمنوا يكونوا زيها
ولو تغزلها العيون
أبو مين اللي يقف لها
ما هي بنت البلد
وأهل الحي ب شتروا
بالغالي ودها
ـــــــــ والثلاثاء ع الناي
قال مواله ف عشقها
يا مداحين الصبر هاتولي
من الصبر كلمة تصبرني
حسن الصبية فتن قلبي
والعين لحبها راح تأسرني
أسهر أناجي الليل واشكي
لقمرها أمتي يوم تفتكرني
وجفا لو طال زمانه ومكانه
يفضل قلبي أسير وظلمني
روح يا صبر وأحكلها
عن الشوق وأذاي هواها ب يقتلني
ــــــــ والأربعاء ب يقول
من شباك المشربية
قلة ميه ف صنية وغوايش
دهب ب تلمع ف الضحويه
وصبية في عود ملفوف
بتنادي من ورى الشكمجيه
يا بياع حب العزيز أبعت
ربع وفوقه شويه
وقهوة الحاج مقصود فيها
الشباب مستنيه
يشوفوا العيون من ورى
اليشمك مستحيه
لو كان الهوى عنها ب يدارى
ما كنتش فتحت يوم شباك
الشكمجيه
ــــــــــ والخميس ويا الخوالي
عنها قال
يا ما لمست لقلوب البنات
همس وكلام ب يترسم ف
الأحلام
أمال وأماني تسبق دقات
قلوب وتشوفها العيون
ف المنام
وبنت البلد خيالها لابن
الحلال شهامة ورجولة
و تلاقيه عالي المقام
ولا فكرها عايش قصة حب
لا؟؟حلمها ف بيت هي ملكة
فيه بمعنى الكلام
تصون وترع عرض وشرف
ولا يقدر حد يقول تلت
الثلاثة كآم
أصل اللي أتربى
ع الأصول ما يبني
قصور م أوهام
ــــــــــ والجمعة جمعت عنها القول
ياترى عندكم عنها كلام
**********
يحيى نفادي سيد
ليست هناك تعليقات:
إرسال تعليق