محاورة الشعبي العراقي
قالت
تره حبك جريمه
وتضل ضد مجهول
مافتن عليك
ولا توصــــــيني
تلعب عله اعصابي
واني هم مرتاح
هاهيه قســـمتي
شبيدي حاجيني
تدلع واشـــوفك
بعد احله اتصير
تتزعل واحســـك
جاي ترضيني
@@@@@@@@@@@@@
حسان الامين
وحبج أتعلك بالكَلب
وللكل صار معلوم
وخل تعرف ألبشر
أنت منور أسنيني
ما ألعبت عليج
وعمري عشته وياج مظلوم
فدوه اترجاج
لا يجي يوم تنسيني
احبج حب عله بيا
فوك الغيوم
وما انزل الا انتي
التنزليني
بعد شتريدين
اضحكج واني
كَلبي مهموم
وكلبج بس يكول الاه
ياذيني
أظل احبج
وحبج ابكلبي مرسوم
وأترجاج بوسط الكَلب
تخليني
ما أكلّج أنساج بغلطة يوم
مسامحج كبل
ما تعتذرين تدريني
السما بيها كَمر
وشمس وأنجوم
وحبج فوك ألسما
أمعليني
ليست هناك تعليقات:
إرسال تعليق