كفاية /بقلم الشاعر/ عادل محمود

كفاية ..

كفاية .. حاولنا بما فيه الكفاية ..

لا انا قدرت .. ولا أنت عرفت ..

نكمل لحد النهاية ..

كفاية ..

هي كيميا .. وبينا اختلااااف ..

كل لقاء .. ينتهي بخلاااااف ...

كتير .. حاولنا نكون لطاف ..

قولنا يمكن ..

نوصل لغاية ..

لكن الكلام مش كل الحكاية ..

كفاااااية ...

في حاجة واضعة بينا حد ..

نمشي .. نوصل لحد سد ..

ونبتدي نبعد عن بعض ..

ونرجع تاني ..

م البدااااااية ..

تعبتني .. تعبتك معايا ..

في فصل مفقود م الرواية ..

كفااااية ..

مش قادر اقول .. الذنب ذنبك ..

ومقدرتش أكون كل اللي ف نفسك ..

أو مقدرش .. يحتويني قلبك ..

ويمكن انت .. ماكانش قصدك ..

في حالات كتير ..

مالهاش تفسير ..

وانا وانت حااالة ..

نهايتها .. . جاااااية ..

لكن رجاء .. نكون أصدقاء ..

أفضل لنا ..

من وهم وغواااااية ...

وف الصداقة .. أرقى علاقة ..

وبينا حاجات كتيرة حلوة ..

إلا الحب ..

مش بالنوايا ..

صدقني خلينا اصدقاء ..

وكفااااااية .....

بقلمي / عادل محمود ...