،،،،،،،(كفن بلا جيوب)،،،،،،،
لوكل واحد فطن
مفيش جيوب للكفن
في يوم ماراح يندفن
والسرقة وقت المحن
كبيرة قال الدين
ماهو من زمان نتسرق
حرامي طالع فَرَق
مش حتى ساعة الغرق
بصيص في نوره برق
للفجر نصب له كمين
صلبوا الشروق في سماه
غموا الشموس بالآه
والبدر قسمناه
والنجم منا تاه
وظلام وغطى سنين
كل الحياة غابة
فيها الكتير أرانب
وقليل بقوا ديابه
أما فصيلة التعالب
مع بعض حبابه
مع بعض تضرب مقالب
وفخوخ كتير يابا
فيها كتير م المضارب
والصيد على ربابه
ولا مره كانوا راحمين
الكل كفر بالوطن
مابين حرامي سرق
وجعان بجوعة إتفطم
وكل واحد مرء
يلعن في نفس المحن
مع إنه سبب القلق
لكن رافض يتفطن
أه ياوطن اتحرق
واحنا بندفع تمن
حتي اللي ناجي غرق
صعب عليك يؤتمن
فتنه ونجمها برق
نفضة تراب الزمن
نخرة عظام حايين
،،،،،،،(شعر)،،،،،،،،،
عبدالله السايح
ليست هناك تعليقات:
إرسال تعليق