( أنا والليل )
سامح ايليا
سألني الليل
وليه سهران ؟؟؟
أكيد عندك حبيب هيمان
قلت ياليل كفايه ما كان
لانا عاشق ولا ولهان
بس ياليل أنا حيران
لانا عارف ولا دريان
بيقولوا العشق دا أحزان
صحيح يا ليل ؟ وفيه حرمان ؟
يرد الليل على قلمي
يقول : ومين إللي شاف المي
دأنا إللي بزيد نغمي
على وتر من الألحان
بداوي جراح
وأزيد أفراح
وأمحي نواح
من الإنسان
دأنا عندي ، دوا لسهدي
وفيه تلاقي كل أمان
دأنا الليل ، وفيه عشاق
بيتمنوا أكون مشتاق
لأحلامهم وأنغامهم
وفي جناحي
يبات صاحي
صاحب أشواق
مع إني ، مطمني
قلوب وٱهات
ويفرحني ما يجرحني
عليه ما فات
أضم أولادي
وأنام ف الوادي
لحد الصبح
بتبقى ساعات
بأفراحها ، وبلا جراحها
أعز عليه من سنوات
دأنا الليل إللي عاش سهران
وكل أولادي بلا أحزان
أنا الليل ، أنا الليل
سامح ايليا
ليست هناك تعليقات:
إرسال تعليق