مادام يازمني أنا مش على كيفك
@@@@@@@@@@@@
ممكن أزمر ليك وأغني
وممكن كمان أرقصها بلدي
وأمشي حافي زي والدي
اللي شقي علشان يربي
وأكل فتاتي من تحت رجلي
ومات فقير زي اللي ماتوا كدا بدري
أرحم يازمني... يا إما تاخدني
وكفاية كدا... شبعنا تمني
أرحم يازمني... ياللي عايزني
أعيش حياتي... برضه حافي
فين ماأمشي
وأعيد قصة جدودي اللي عاشوا
عيشة كحلي.....
أرحم يازمني... وخليك فصيح
وبلاش تهيني وترميني ف مهب الريح
ليه يازمني.. تنسى علامي
وتنسى تعبي
ولا سهري وأنا ببكي وأنوح ....
علشان أعيش جوه منك
كدا في يوم مستريح
ليه يازمني شادد لي حيلك على الضعيف
وحتى اللقمه اللي كانت ف بقه خدتها ومهياش رغيف
ليه يازمني... صبحت واقف ومنتاش آليف
ليه يازمني.... اللي بيتولد نازل بيبكي من الخوف
ليه يازمني..... البلاوي نازله حاده حد السيوف ....
ليه يازمني...... خلتنا نجري جوه دايره وملهاش سطوح
قادر ياربي.... على الزمن .. وعلى اللي خلي العين تنوح.
الشاعر والمفكر جمال حلمي
.......... القصيدة ليست عني شخصيآ أقصد بها كل الغلابه....
ليست هناك تعليقات:
إرسال تعليق