♥♥طـالبـك فى الحــلال♥♥
قالها انت بس تشورى وانا ابني لك
قصر من دهب وكل فوله ولها كيال
قالت له وانا دايبه ف حبيبى دوب
وكـل مهــره ولهــا خيـــــال
قال لها إرحمـى قلبـى اللي اتخطـف
وبيـرقـص علـى رنـة الخلـخـال
قالت له فعـــلا اللـى م بيشـوفش
من الغـربال بيبقـى أعمـى ياخـال
قال لها سـرقتـى نبضـى
من بين ضلوعى برمشـك الجتــال
ومحتاج لك تنوري دنيتي ياقمرايه
طالبـك فى الحـــلال
قالت له الانثى لما بتعشق م يهمهاش
لاخدم ولا دهب ولا مال
وانا حبيبـي ف عيـــوني ملك
ف نظرى سيد الرجال
متحــاولش تســاوم آنثى عشـقه
لأن الوصول لقلبها محال
لـو حتى عملت لها ألــف عمــل
وجبت لها مليون دجــال
يابــوى دا العشـــق واعـــر
وقلبـى لحبيبـي ميال
وسهـم الهوى لما بيصـيب م بيفرقش
بيـن قلـب الوحش وقلـب الغــزال
والآنثى لما بتعيـش من غيـر قلـب
بتعيـش كأنهـا حجـر كأنهـا تمثـال
روح لحـالك يافـارس متحلمش كتير
بالوهـم وتحضن الخيـال
وخلى بالك من طريقـك ومن شالك
ليطير من تحـت العقـال
انا بينـي وبيـن حبيبـي غـــرام
وبيني وبينك سدود وجبال
وهفضـل استنـاه العمر كله مهما غاب
مهمــا بعــاده طـــاال
بقلمـى// صابـر الطـوخـى
ليست هناك تعليقات:
إرسال تعليق