على ايقاع انت الحب
ياما قلوب بتنادي عليك
تتمنى تسبح في بحرهواك
وانا اللي قلبي قتيل لعينيك
وحياتي يادوب تبتدي برضاك
الويل يا قلبي طال
بين الألم والنوح
وبين عزول بطال
يلوم وانا المجروح
وعمري مشكي من بعدك
مهما غيابك حيرني
واغير عليك من نفسك
واشيلك جوايا فى النيني
أول عينيا مانظرتك ليك
شافت ملاك يا عينيه
وقلبي لما سألته عليك
قال دي حورية من الجنة
صدقت قلبي في اللي قاله لي
من يومها وانا عزرك ياعذولي
لكن جمالك حيرني
ونار سهادك سهرني
أسفك دموعي يا ظالمني
وانت ناسيني وتقول فاكرني
وعمري مااشبع من حبك
ولا العذاب هيغيرني
لكن أهيم كده فى حسنك
وأغير عليك أكتر مني
أهواك فى قربك وف بعدك
وتحلى الدنيا بيك ياملاك
وان تهت اناجي حروف اسمك
ألاقي هنا قلبي فنجواك
أنا مهما أسلو ما سليتك
وعهد الله ولا بنساك
وابعت طيري يشكي لك
يقول لي جفنه ياروحي هتاك
وأراعي عهودي لعهودك
سويدا قلبي ياروحى مأواك
أتارى البدر من حسنك
تاه واختفى من نورمرآك
ياهنا قلبي فى رحابك
وانا همي يزول ساعة رؤياك
يورد على فكري
أشياء ولا فى الخيال
والشمس ازاي ياهوى
تطلع كده فى الليال
وحشني وانت ضيا عيني
ياللي وصالك يداويني
ولما اشوف ضحايا حبك
اسأل عن حال الشوق وأساه
ألقاه يدوب قطره فى بحري
أشفق على قلبي وعلى بلواه
أسأله ...وقت الغياب
الشوق دوبه زيي أنا
ألقاه فى نجوة م الهلاك
وموتي من ناري دنا
أنت القمر اللي احيا بنوره
عمره ماغاب يوم عن عيني
وانت الهمس الساجع صوته
يمحي الشك ماهو يقينى
وانت الحب اللي ماليش غيره
مهما قاسيت هواك يرضيني
وانت شعائر قلبي ودينه
يامفرحني ويا مبكيني
محمود عبد الخالق عطيه
ليست هناك تعليقات:
إرسال تعليق