يارب /بقلم الشاعر/ بيبو البدر الساطع

يارب هله على بلدنا..

بفرحة لينا ولولادنا..

اجعل لينا من التقوى الزاد

ومعاها صيامنا وصلاتنا..

وختام قرأنك قبل المعاد

يبقى لنا شفيعنا ورفيقنا..

مش احنا بس..وكل البلاد

بحق جاه النبي سيدنا ..

رمضان كريم علينا وعاد

ااقبل رجانا  ومطلبنا..

دعوة بقولها انا والعباد

يارب كمل لمتنا..

اكرمنا بيها انت الجواد..

والخير يخبط باب  بيتنا..

وترجع لينا كل البعاد

وتتمم علينا فرحتنا..

يارب هله على بلدنا..

بفرحة لينا ولولادنا..

&&&&&&&&&

اللهم امين يارب العالمين

رمضان كريم على الجميع

كل عام وانتم بخير

بيبو البدر الساطع