شهر رمضان . بقلم \ أحمد شاهين
مش قدره منك ع الصيام
دا ربك إللى بيعينك
وتِحس كدا إنك تمام
لا عطش أو جوع هامينك
ياريتها كل السنه رمضان
تلقى الملايكه حارسينك
مش قدره منك ع الصيام
دا ربك إللى بيعينك
تصلى فرضك فى جماعه
وتعيش على الخير والطاعه
وترضى كل مُجبينك
يا ريتها كل السنه رمضان
تلقى الملايكه حارسينك
عطشك وجوعك بيخلوا
القلب يشعُر بالغلبان
ليه بس عنوا تتِخلوا
والمال دا ماله الرحمن
هتحِس بيهم فى صيامك
وتقول لنقسك أنا غلطان
ياريتها كل السنه رمضان
تلقى الملايكه حارسينك
يارب ما تخلى فى بلدى
فقير كدا محتاج لسؤال
كلمه وهقولها بالبلدى
يارب حسِن دى الأحوال
ونحِس يعنى ببعضينا
وتكون بلدنا فى أحسن حال
يا ريتها كل السنه رمضان
تلقى الملايكه حارسينك
مش قدره منك ع الصيام
دا ربك إللى بيعينك.
كلمات \ أحمد شاهين
26 \ 5 \ 2017
ليست هناك تعليقات:
إرسال تعليق