اللهم قد بلغت ، اللهم فاشهد
لغاية دلوقتى
الارهاب بيضرب و يجرى
لكن هييجى وقت
الله و اعلم امتى
هيضرب و يستنا
لاننا كل ما بيضرب بنستنا
العراق ابتدت كدة
و سوريا ابتدت كدة
مكان على الحدود
بيفرغوا اللى فيه
يعملوا فيه اسود
و بعد كدة يستولوا عليه
و حصلت فى مصر عندنا
بروفة واحد فى العريش
و مين عارف امتى هتحصل تانى
و احنا لسه بناقش و نتناقش
الارهاب
فى انجلترا و فرنسا و المانيا
يا عمنا
يعنى
كانوا ايه اللى عملوه
عشان يواجهوا اكتر مننا
استنا استنا
و فجأة
تلاقى على الحدود
نلاقى شريط مش تبعنا
يتحكوا فيه
ناس مش مصريين
كانوا فى وسط العالم تايهين
و كل الناس
مش عارفين منين جايين
لكن كل الناس عارفين
جايين ليه
و يوم عن يوم بيتسحب
بس انا هاقولك
استنا استنا
اما بس نفهم ايه اللى جرا
و مين اللى عمله
و عمله ليه
و هنحاسبه مش هنسيبه
بس ادينا
كام سنة
لما القانون يحكم عليه
قلنا اصبر استنا
و نديها بقين شجب و ادانة متعافيين
و فى التليفزيون
قدامنا شوية
عشان عاوزين نركز و نحلل التحليل
و احنا بنبذل كل طاقتنا
عشان نقنع المارقين
بصحيح الدين
انت قلقان ليه
مسربع ليه
خايف من ايه
استنا
عقلى و قلبى على مصر موجوعين
طول عمرى بأقول
ولسه باقول
و هاافضل أقول
ان احنا بربنا و بالمسلمين الطيبين العادلين
اللى عشنا من يوم
ما اتولدنا وسطيهم
و اختبرنا اد ايه هما حنينين
لغاية دلوقتى ماشيين
انما كدة لا يرضى مصر
و لا المصريين
و لا ربنا
ان تتساب بلدنا كدة
لشوية ديابة مستعفيين
ماعلش سامحونا موجوعين
اللى راحوا دول علينا غاليين
منهم ابن و اب و زوجة و ام
و لله الأمر و لله الملك
و هييجى يوم و كلنا ليه مروحين
الشاعر العجوز
مرقص اقلاديوس
ليست هناك تعليقات:
إرسال تعليق