((( لقمة عيش)))
وأخدت ولدى على حجرى
وكتمت الهم فى قلبى
وقعدت بمشنة فجلى
بنادى وبقول ياوراور
فى الشارع قاعده ولاهممنى
أعمل لك أيه ماأنت ظلمنى
أنا بجرى على لقمة عيشى
من بدرى خايفه لامتجيشى
ومن الحلال بدعى ربى
عالم بظروفى وتهميشى
وبقول يارب أصلح حالى
مش عايزه نفقه وإحسان
ولاتحوجنى لأنسان
وحدك يارب تكفينى
أنا عايزه الناس تسبنى فى حالى
أجرى وأسعى على عيالى
وماتستكترش عليا خيرى
وماتبصش فى حلالى
عندك مال نفعنى
وأشترى منى دا مش غالى
ربنا يغنينى عن أمثالك
وأن كنت ناوى تأذينا
وتقفلها من حوالينا
وتسود الدنيا علينا
هدعى عليك يتعب حالك
مايغركش منصبك
بكره بره يطردك
وترميك دنيتك
وتقعد أنت وحسرتك
دامت لمين كتر خيرك
عبيتها كلها فى جيبك
أمشى وسيبنا لومش عجبك
ناكل عيش مش محاسيبك
والدنيا كلها مصالح
وأهى يوم معانا بتتصالح
ويوم مابتجيش معانا خالص
رب كريم ويسويها
كلمات/محمودصلاح السيد26/1/2017
ليست هناك تعليقات:
إرسال تعليق