** ومضات شاعر **
** ثرثره علي النيل *&
"""''''''''''''''"""""""""""""""""""""
والثرثره والرطرطه
علي أرضنا مزروطه
أشعار الصغار رهط
وأشعار الكبار سخط
الشعر نبات يبات
في قلب البنات
وكحل لما يكون نغمات
ولا دقات الصوات
في الممات
ثرثرة الكلام كلامنجي
منثور علي جتة الغلبان
تغلي بيها الابدان
ياتوهة الانسان
ثرثره علي ضفتك يانيل
ساعات هندام
وساعات هدام
ولا حلم الحمام
ساعات هجام
وساعات تهدي اللجام
صوت الوجع وجع
وصوت المرتجع وقع
قلبي من غلبه اتمزع
لما الشبع إتمنع
ونعينا حتي الجوع
والمشي ف الممنوع
وشعر الرهت صبح مسموع
آاااااااه ياسكة سفر
غاب فيكي القمر
وانكدر حتي شعاعه
بات من أنينه منكسر
صوته أصبح عبر غبر
ثرثره علي دمك يانيل
أنت الراوي السلسبيل
الشعر أوسع م الخلا
لوخلا ودام فيه السلا
ولو أصبح بلبله بالبلا
تصبح حياتنا هرجلا
والخلخله غل الحلا بلا
لما جالوا أصحاب الهوا
ثرثره ثرثره مره
مره في حلقنا مره
تنقض وضوء الحره
والصلاه ف محربهم جره
ولما يمر المر
يجف البر حتي الممر
انياب الشر شرر
علي سكة الاحرار ضرر
الشعر تاج
دروبه مش زجزاج
ولاحسب المزاج
ولا دروشه
ثرثره ثرثره
متسرحش واختشي
ياللي شعرك منتشي
الشعر مش تراكيب
ولاتعلبه وديب منتشي
الشعر مش ثرثره ودفيه
ولاصفاء النيه بالبنيه
كحل الصبيه والحنيه
رسالة الشعر سقاله
بالحب حباله وولاده
للشعر صبحيه
تشق صبح وليل
تشق الضلمه بالكلمه
ينور قلبي وعزيمتي
يشد الزل من تحتي
تقرا كدا مرايتي
وصورتي تبقي معديه
بلاش ثرثره
إفتحوا العقول بطاقه خلاقه
ورجل تحب الشعر مشتاقه
لحضن الام سباقه
وقلوبنا من حبها
تبقي هديه ولشعرها مشتاقه
محمد زايد
ليست هناك تعليقات:
إرسال تعليق