( الطلاق ) . بقلم \ أحمد شاهين
كلمه وخربت بيتنا
( عليا الطلاق )
ضاعت بيها حياتنا
وكان الفراق
بنقولها بسهوله
بعدها نرجع نندم
حاجه ومش معقوله
إمته يا خلق هنفهم
إن ولادنا أمانه
ليه يضيعوا ويانا
دول هما دنيتنا
كلمه وخربت بيتنا
أب . أم . ولاد
والله أسره جميله
لو من غير أولاد
ما باليد حيله
شركه ما بين إتنين
والأيام بتعدى
يتلاقوا القلبين
ويا الحلم الوردى
بعد شويه مشاكل
وظروف تعصف بينا
ما فى شئ يستاهل
ليه نفارق بعضينا
وتتكرر حكايتنا
كلمه وخربت بيتنا
أولاد تملا شوارع
والسبب أهاليهم
هما الحلم الضايع
ليه بنفرط فيهم
علشان نزوه وطيش
أهى تلاكيك وخلاص
راح الحب مفيش ؟
طب فين الإخلاص؟
إهدى يا عم شويه
تخرب بيتك ليه؟
ما العصمه فى إيديا
وذنب ولادك أيه ؟
وأكيد . دى نهايتنا
كلمه
وخربت
بيتنا.
كلمات \ أحمد شاهين
28 \ 1 \ 2017
ليست هناك تعليقات:
إرسال تعليق