عيد الحب (2)
قصيدة عامية
"الحب طوق النجاة"
فوق أربعين سنة ظلامية
شاف البني آدم فيها شقاه
عشناها أنا وأنت وهو وهيه
لما ساد الفكر المادي الحياة
فقدت يا أنسان معاني الحرية
خد الفكر المادي معاك مداه
عشقت المال عشق العبودية
قلبك أتحجر زاد في قساه
قتلوا فيك روح الرومانسية
سحبك المال بحبل كما الشاه
ضيع منك المبادئ الأنسانية
نسيت ان هناك حساب الألاه
الدين بقى لك مسئلة شكلية
ومنظرة على الغلابة بالذكاة
أفسدت قيمة الرسالة التعليمية
ساد تكاليفها روح المغلاة
نشرت بينا عادات استهلاكية
وشردت عمال الأنتاج ياولداه
ماتت فيك النزعة الأنتاجية
بلدك تركته وعايش براه
اديت للمال في حياتك الأولوية
حرمت الأسرة من حلو الحياة
في عيلتك طمست مشاعر الحميمية
بقى الأبن عاق بامتياز لأباه
لك مني يا أنسان نصيحة أخوية
خد الحب في حياتك طوق نجاة
لا مال ولا فلا ولا أحدث عربية
ده ما حد راح ياخد حاجة وياه
بالحب تغنى وتعلى قيمة البشرية
شوف مين للحب بيبني روح ابني معاه
تسعد وتشوف حواليك نتائج اجابية
حب الناس واخلص لربك بجد تلقاه
واقف جنبك منحك تغيرات جوهرية
صدقني لحالتنا دي الحب هو طوق النجاه
صلاح منير
17/02/2018
ليست هناك تعليقات:
إرسال تعليق