____________ الظالم جبان ________
إيه ذنب الطفولة البريئة
ايه ذنب الشعوب
وعيون الظالم جريئه
ميهمهوش أنين القلوب
و بيهجص بإنتصاراته
والزرع كمان إشتكاه
دمر شوارعه وحاراته
والخوف عايش جواه
مستخبي ورا حراسه
وكل يوم في مكان
بيخاف من أنفاسه
ومرعوب من الأمان
نسي القسم واليمين
ضيع حقوق الإنسان
دمر خضرة الفداديين
سمم جذور الغيطان
لاجئين ملايين متشردين
شيوخ واطفال ونسوان
مصعبش عليه وليد حزين
مصعبش عليه دمار البلدان
مصعبش عليه حزن الياسمين
مصعبش عليه دموع الأغصان
مصعبش عليه الطير الحزين
مصعبش عليه دعاء الكروان
غافل عن رب العالمين
والغضب عليه مهما كان
ومهما طالت السنيين
شمس الحقيقة ح تبان
ولو الظلم له جناحين
ح يخاف من الغربان
والعدل قوته في الحنين
وجبروته يقهر الطغيان
رمحه الحق المستبيين
وسيفه ينصر الغلبان
درعه يصد ضلال الغافلين
وطول عمر الظالم جبان
_____________________________
............ الشاعر حسن الشوان .......
ليست هناك تعليقات:
إرسال تعليق