عيد ميلادك ذكرى عندي
ياللي رحلت غصب عني
وخدت مني أعز مني
خدت قلبي خدت روحي
وخدت زمني وسبت دمعي
وقلت ماشي وشويه راجع
طال غيابك وزدت حزني
فين كلامك وفين عيونك
لما كانت تحتضني..
كنت فاكر إن أنت أبني
وحته مني جوه مني
النهاردة دق عيدك
اللي هو ذكرى عندي
وقال لي ياله فين شموعي
علشان نغني تاني ياوعدي
ونجيب وليد يغني معانا
النغمه في بوقه بتنتشلني
رحت ضاحك... ضحكة بني
قلته أسمعها المرة مني
قال لي هات كل اللي عندك
خليني أرقص خليني أغني
راحت قايل
ياوعدي على الأيام دي
من غير مانحس تعدي
تاخد أكتر مابتدي
وأنا ويا الأيام وحدي
ياراحل غصب عني
وخدت مني أعز مني
ليه نستني جوه حزني
وليه نستني ومعايا دمعي
ياوليف الروح تعالى
لم دمعي لم ألمي
وبين ضلوعك أحتضني
!!!!!!!!!!!!!!!!!!!!!!!!!!!!!!!!!!!!!!!!!
عيد ميلادك ذكرى عندي
!!!!!!!!!!!!!!!!!!!!!!!!!!!!!!!!!!!!!
الشاعر والمفكر جمال حلمي
ليست هناك تعليقات:
إرسال تعليق