أمتي هتفرحي /بقلم الشاعر/ حسين إبراهيم

★★★(أمتي هتفرحي)★★★

بقلمي : حسين ابراهيم

ياست ياسمره يأم الضفاير ليل..

وخطوتك حره وعيونك القناديل..

علي راسك الجره مليانه مية نيل..

عطشان أنا لقطرة بيها هأقول مواويل..

حزينة مواويلي وقلبي عليكي حزين.. .

.مابتلحقيش تفرحي

 وإن جيتي يوم تفرحي يلبسوكي سواد..

 ليه طرحتك سودة ولمبات الفرح سودة

 والكوشة ليه سودة..

هو أنتي بالحزن موعودة؟؟؟

وألا في فرحك الحزن بقي موضة..

قدرك ومكتوبك

 لو تغزلي توبك تغزليه بدموع 

والخطوة تمشيها التانية تبقي رجوع ..

قلبي من الأحزان بقي موجوع ..

نفسي معاكي أفرح 

وأنتي كمان تفرحي

 وتمسحي دمعتك

 وضحكتك يبقالها صوت مسموع..