بمناسبة مرور العام الثاني عشر علي زفافي أهدي هذه الكلمات إلى رفيقة الدرب
رق الحبيب
رق الحبيب و بشوقه ناداني
و قال عينيك والله واحشاني
يا كل أملي في زماني
غيرك ماليش حبيب تاني
ياللي أنت قلبك يهواني
عينيك سكني و عنواني
ياللي في حبك عشت سنين
ياللي في قربك أنسى أنا مين
قولي بحبك يا ضي العين
لو راح تنسي عينيك فاكرين
شاغل قلبي بقالك سنين
و شايلك جوه حبابي العين
من غيرك أنت قلبي حزين
في بعدك أنت أشكي لمين
طول عمرنا زايد بينا الحنين
ولا يوم همنا غدر السنين
لا عمرنا حسينا الأنين
و لا عشنا ليلة مجروحين
عشنا في هنا و وصفنا فرحنا للمحرومين
و هنعيش كدا طول عمرنا مع بعضنا متجمعين
يا ربنا بارك لنا في حبنا و أحمينا م الحاسدين
جمع قلوبنا دا في بعض دوبنا
و بقينا روح واحده في جسدين
بقلم/ عبيد رياض محمد
27/7/2016
ليست هناك تعليقات:
إرسال تعليق