سكة سفر
لسه يا قلبى فاكر
أخر كلمه ما بينا
قالى ما بقتش قادر
أشيل المسؤوليه
لازم حبيبتى اسافر
و على رزقى كمان
أعاااااااافر
و حرجع ليكى بفرحة
و فستان و أحلى طرحة
نزلت من عينى دمعه
من نار بالقلب ولعه
من نار بالقلب ولعه
كنت شايفة
الى ما كانش شايفه
و حاسه
الى ما كنش حاسه
انه ماشى فى سكه
مفيش منها رجوع
و مش حيبقى ليه منه
غير ذكرى و حفنه دموع
و سافر حبيبى و سبنى
عايشه على ذكرى و أمل
و صحيت من نومى فجأة
على جرح و أكبر ألم
ملاقيتش فستان و طرحة
و لا حتى بسمة و فرحة
لقيت حبيبى راجع
متشال فوق الكتاف
كان ليه حق يا قلبى
عليه زماااان أخاف
كان ليه حق يا قلبى
عليه زماااان أخاف
# سكة سفر
# أشعار : كرم محمد
ليست هناك تعليقات:
إرسال تعليق