ضاع حلمي
كثرات لهموم. ؤ ضاخ الراس
كل واحد خدا حقو
ؤ انا بلا قياس
من صغري شربت لمرار
حتى فاض الكاس
ما بقى عقل يفكر
و لا يضرب حسبة لحساب
لعظم كبر ما بقى يتجبر
الراس شاب
الزمان غدر
حملني الهم ف ؤقت
كنت محتاج نحقق الحلم
حلمي طفا و اصبح ظلمة
ف نهار جميل كنت عود اخضر
بضرب على الشعا
اليوم اصبحت سجين الظلمة
غابت شمسي غاب الحلم
اصبحت مشلول القوى
ماني أعور
ماني ابكم
ما انا عارف أش طرا
ف رمشة عين
ذبل عودي ؤ جف نبضي
ؤ كثرات لحسرة
اليوم جيت واقف عند راسي
تنغص علي نعاسي
تفكرني اش طرا
فين كنت يوم كنت محتاج لك
ترشدني تنور طريقي
فين كنت يوم كانت الكلاب تنهش لحمي ف ظهري
باغيا تعرف اش خلا الزمان
ايه نعست و اليوم فقت
باغي نتصالحو لكن اش بقى..... ؟
انا عييت لعمر غادي ما بقيت قاد على صداع ولا هضرا
انت انت ؤ انا انا
و انا و انت عمرنا ما نتصالحو
طريقي كان طويل
الجسد حاضر و الضمير غايب
خليك غايب حلمي ضاع ؤ عمري مشى
مليكة بوبراهيمي
ليست هناك تعليقات:
إرسال تعليق