قوليلى ياعـزيـزه
لحـد امتـا هـ نفضـل فـ إمتحــــان
م احنا خلاص إمتحنا
ولمـو الـورق مـن زمـان الزمـان
لا الـورق بيتراجــع
ولا النتيجــه نـاويـه تبــــان
هو كل دا وقت ضايع ووقـت إضافى
دا الفريق فضل يلعب لما مشى حافى
لا عـرفنا مين اللي لعـب بإخـلاص
ولاعرفنا مين اللى خان
حتى الحكـم هناك نايم فى التراوه
والمساعد ماشي زي السكينه فالحلاوه
والجمـاهيـر بقـت فـى التـوهــان
والمــدرب بيقـول انا مش مسـؤول
انا مستلم الفريق خلصـان كحيـان
من كتر الاكل والرفاهيه جاتله تخمه
لازم يبات كام سنه جعان
ميدقش اللحمه ولاالارز ولا البذنجان
ولايعرف طعم السكر ولايشم الحنان
لازم يربط الحزام ويدوق الحـرمان
لان كتر الاكل بيخلـى الاعـب كسـلان
وطول مابطنه مليانه وف العز غرقان
مش هيبذل مجهود ولا هيجيب اجـوان
نفس الروشـته اللي كتابـها المـدرب
اللـى قبـله واللى قبـله ،وبعد الفشل
معاه حجته، اصل الملعب اتملى خرفان
كلت النجيـله وسـابت الملعـب خـربان
طيب فين حرس الملعب ياسيدى ، قال
بيتدربوا علي النشان في استاد اسوان
يعنـى العيـب مش فـى الاعيـبه
قـال ،لاء العيب فى الكــور الصينـى
بعـد كدا هـ نستورد كـور من اليابان
بقلمى// صابر الطوخى
ليست هناك تعليقات:
إرسال تعليق