.......(( يا بهيه ))....
يابهيه..... يا أم الطلعة البهية ....
يا أم طرحة و شال وجلابية.......
من رقتك..من خفتك ......
من حسن طلتك.......
حسدوكي الناس...
يا صبية......
علي أعتابك..........
إتجمعوا خطابك.......
اللي منهم طالب ودك ......
واللي عينه علي مجدك...
واللي طمعان في أرضك
إيه ردك يا صبية...؟؟
قالت حبيبي الأسمر
حبه في قلبي بيكبر.......
وقلبه أبيض و كبير......
وحبه لبلده... أكبر ......
أبو فأس و بندقية .......
اللي حامي أرضي ...هوه
واللي صاين عرضي...هوه
واللي حافظ عهدي....هوه
ولا غيره... يملي عنيا......
بحضنه... يدفيني.....
و بحبه... يهنيني.....
ومن قلبه.....
في همي يواسيني.......
وإن حد جار عليا .........
بدمه و روحه يفديني........
ولا يوم يفرط فيا ....
وأنا أشيله في قلبي وعنيا.....
د/عمر عبد الجواد عبد العزيز
ليست هناك تعليقات:
إرسال تعليق