صرخة مظلوم
و إيه يعني في ناس بتموت
و إيه يعني العمر منا يفوت
بيوتنا على راسنا بقت تتهد
ولا عمره حاسس بينا حد
بنسئل أسئلة ملهاش رد
مكتوب علينا يا خلق نتشرد
بيوتنا راحت في وش السيل
هجم علينا في عز الليل
لا في منفذ و لا حتى سبيل
علشان نهرب من طوفان السيل
ولادنا ماتوا قدام عنينا
و إحنا مفيش حاجة بإيدينا
إيه إللي باقي يا خلق لينا
بقول يا رب هونها علينا
بقلم/ عبيد رياض محمد
2/11 / 2016
ليست هناك تعليقات:
إرسال تعليق