((في عيد ميلادي))
معقولة. فاتت السنين
والعمر عدى الأربعين
عدى بسرعة ما شفتهوش
وكأنه طاير. بجناحين
عدت سنيني وف ثواني
زي ومضة برق فجأة
أو ك رمشة في العينين
بس حاسة نفسي طفلة
لسه.. جواها الحنين
حاسة لسه الدنيا حلوة
رغم فيها من الأنين
عايزة أجري فيها وألعب
زي طفلة بشريطين
عايزة أفرح.. عايزة أغني
قبل ما تمر السنين
يا ترى في العمر باقي
في اللي مكتوب على الجبين
ولا انتهى المشوار خلاص
واستعد... للرحيل
ليست هناك تعليقات:
إرسال تعليق